هلابكم جميعا

مساااء الوررد ع الجميع

أعتقد ما فيه أحد وإلا تابع مغامرات عدنان ولو يعيدونها الحين الكل يتابعاها

ونا حبيت أعيد لكم بعض المقاطع التي تم الحجب عنها

(( أسباب الحجب والله ما أدري ))

المهم بداية الأغنيه

عدنااااااان وووووووو لينااااااااااا >>> موال

جمعتهم أماني جمعتهم أماني...

أماني حلوه حلوه...

حلوه البراءه حلوه

حلوه الصداقه حلوه...

عدنان يتحدى المصاااااعب

عدنااااااان عدنااااااااان >>>عدنان غالي *******
<=== حاافظتهاا للحين ترى خخخ

البدااااااااااااية

*******

(عدنان) : شفيك يالينا معصبه؟

(لينا) : مدري ياخوك احس اني بنخطف زي كل مره

(عدنان) : يهبووون سميرة وعلام وكل جنود القلعه

(لينا) : مانيب مرتاحه احس اني قبسه وشكلهم بيخطفوني

(عدنان) : اللي يقرب منك بتوطاه هنيا وادوووس على خشته

(لينا) : يابعد قلبي ياعدنان... انا اشهد انك ذيب

(عدنان) : كح كح تسلمين.. المهم وين عبسي؟؟

(لينا) : مدري يمكن يصيد ضفادع عشان الغداء

(عدنان) : وع الله يقرفه ذا الشين... المشكله انه خويي ولازم اتحمل بلاويه

(لينا) : يمه يمه .. اسمع صوووت طيارة سميرة يااااويلي!!

(عدنان) : لاتخافين وقفي وراااي واللي يقول عن نفسه رجال يقرب منك

**سميره مع الجنود نزلو من الطياره**

**سميره تتكلم بالمايك من بعيد**

(سميره) : سلم نفسك ياعدنان ولاترز وجهك

(عدنان) : اقول تلايطي بس ولايكثر وارجعي من محل ماجيتي

(سميره) : انزح وراك... وخلنا نخطف لينا براحتنا

(عدنان) : يخطفك جني يالساااااحره.. اللي يرشها بالميه ارشه بالدم

(سميره) : اقول لاتتميلح وتسوي نفسك مصري اوكي!

(عدنان) : لينا ماتبيكم ولا تبي عيشتكم.. لينا خطيبتي وانا متكفل بكل مصاريفها

(سميره) : الله واكبر على المصاريف؟ كلها فستان واحد من بداية الحلقه إلى نهايته

(عدنان) <<<< طاح وجهه هع هع

(لينا) : انتي عاوزه ايه؟ انا موش هينا انا خرجت بره

(سميره) : اقول انطمي انتي الثانيه لاتسوين نفسك مصريه وتلعبين علي... ترىا حركاتكم هذي معروفه أنتي وشباصاتك

(عدنان) : ماعاش اللي يقول حق لينا انطمي... شكلي بشوتك باند من الجزيره

**صارت معركة قوية بين عدنان والجنود**

**في البداية عدنان صفقهم وبعد شوي طاح في الارض وتوطوا بطنه**

**الجنود خطفو لينا في الطياره وانطلقو الى القلعة**

(عبسي) : عدنان لماذا انت نايم؟ شفيك؟؟

(عدنان) : اي.. اح.. ضلوعي متكسرة والركب تتصافق

(عبسي) : لماذا؟ ماذا حدث؟ وش في عينك منتفخه ما هذه الصعروره الي براسك

(عدنان) : اقول انطم بس... سميرة والجنود كانوا هنا وتمردغوني وخذو لينا للقلعه

(عبسي) : افا ياذا العلم؟ لماذا لم تناديني عشان اسوي فزعه؟

(عدنان) : وانا وش عرفني في اي جحر انت؟ طوول يومك تحووس ورى هالضبان والضفادع

اقرفتنا في عيشتنا ياشيخ

(عبسي) : طيب ماذا سنفعل الحين؟

(عدنان) : ابيك تراقب الميناء اذا شفت سفينة القبطان نامق علمني عشان نطمر فيها

(عبسي) : حسنا ياسيدي <<<< ماسكه معها الفصحى خخخخخخ

**بعد ساعتين مرت السفينه**

(عبسي) : عدناااان وصلت السفينه هيااا بنا

(عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى

لينا
**وصلت السفينة الى القلعة**

(عدنان) : انا بروح ادور لينا.. وانت وش بتسوي؟

(عبسي) : انا بفتح اللاب توب واشيك على ايملاتي لين ترجعون <<<< وش حقه جاي؟؟

لوووووووول

(عدنان) : انتبه لاحد يشوفك وتوهقنا!! ترى كلها ساعه نسحب لينا ونعود ديرتنا

(عبسي) : لاتخاف اذا حد شافني بقولهم انا برب في المنتدى

**عدنان وصل الى غرفة لينا ويكلمها من ورى الشباك

عدنان) : حياتي ليونه وحشتيني <<< حلوه ليونه لووووووول

(لينا) : هلا والله... ولكمووووووووو نورت القلعه.. شخبارك؟ شخبار الوالده؟

(عدنان) : يسلمووووووووو... كلنا بخير ومشتاقين لك

(لينا) : تشتاق لكم العافية

(عدنان) : وانتي شلونس؟ وش علومس؟

(لينا) : يووووه انا طفشانه مررره وكل شوي يطقوني

(عدنان) : ولايهمك اوريهم... على فكره ترى عبسي جاء معي ويسلم عليك

(لينا) : وينه الشين؟؟ شخباره؟ عساه طيب؟

(عدنان) : ابشرك بخير ونعمة... والرجال يحترينا عند السفينه

(لينا) : طيب يالله انقذني بسرعه وراك تحب السواليف؟

(عدنان) : ابعدي شوي تراني بضرب القزازه براسي واكسرها

** تم انقاذ لينا وانطلقو الى السفينه**

(عدنان) : عبسي يالله سرينااااااا

(عبسي) :ولكموووووووو نورت الجزيره هلا وغلا

(لينا) : ياشباب ترى سميره تركض ورانا بالمشعاب.. بسرعه نبغا نهرب في السفينه

(عبسي) : المصيبة ان القبطان نامق نايم مع وجهه

(عدنان) : دق عليه جوااال وخله يصحى ماعاد فيه وقت
**اتصــــــال**

(نامق) : الووو.. مين معي؟

(عبسي) : نامق تكفى ترى تكفى تهز رجال

(نامق) : ابشر بعزك. ونا أخو عمشى.. امر وش بغيت؟

(عبسي) : قم شغل السفينه وخذنا معك نبغا نهرب من سميره

(نامق) :ياويل حظي لاتقول سميره ترى اخق من طاريها أتحلحل

(عبسي) : اقول بلا هذره اخلص علينا نبغا نفرك من هنا

(نامق) : اوكي تعال السفينة وماعليك انا بتصرف

**ركبو السفينة ونامق نزل عشان يتكلم مع سميره**

(سميره) : وينهم؟ وين خبيتهم؟؟ اعترف؟

(نامق) : ياويل حالي.. عليك عيون ماهيب صاحيه

(سميره) : اقول تلايط بس.. وين لينا؟؟

(نامق) : سميره مستعد اعطيك لينا لكن عطيني قلبك تراني خقيت واللي كان كان

(سميره) : هاهاهاها ضحكتني... قلبي وش تبي فيه؟

(نامق) : اويلااااه على قلبك.. ابيك تكونين حبيبتي وتاخذين رقمي ونسولف تالي الليل مثل هالمراهقين

(سميره) : ياولد استح على وجهك ترى جوالي سوى <<<< يعني افهمها واشحن لوووول

(نامق) : كل بطاقات السوى تفداااااك بس خليني اسكن قلبك لو ليله وحده كح

(سميره) <<<< تناظر في جزمتها ينقالها مستحيه هع هع

(نامق) : وش فيك تناظرين جزمتك؟ ناويه تضربيني صح؟

(سميره) : لا شدعوه... بس كنت افكر في جوال الدمعه يقولون فيه بلوتوث وحركات

(نامق) : شركة نوكيا بكبرها ماتغلى عليك ياقلبي

(سميره) : يؤيؤ لهدرجه تحبني؟؟

**عدنان طل براسه من السفينه**

(عدنان) : ماخلصتو انتو؟؟ ياخي رقمها وفكنا... نبي نمشي

(سميره) : تمشي في عينك.. انا بروح معكم لووول

(نامق) : تفضلي ياقلبي ادخلي برجلك اليمين

(لينا) : يمه يمه.. سميره بتروح معنا؟؟ انا خايفه تضربني

(عدنان) : لا تخافين... نامق روضها خلاص فكك براقيها

(عبسي) : كفوو نامق.. الحين نقدر نعيش مرتاحين وفي سلام

** اغنية النهاية **
اصدقائي ياصحاب..
من سحالي وتماسيح
نلتقي هذا اللقاء...
نلتقي يا أصدقاء.....
نلتقي تجمعناالمودة.. يجمعنا الوفاء...
تجمعنا الهبالة.. يجمعنا الاخاء...
ونلتقي بفرحة... بفرحة نلتقي...
مثل طيورالسماء...
نلتقي يا أصققائي

رجاااااااي انها تحوز على رضاكم...





ملطوش مع التعديل





في أمـــــــآن الله

ههههههههههههههه

هههههههههههههههههههههههه :يضحك:

الله يرجك مجننتهمـ

إذا فيه حلقات ثانيه نزليها ترا من المتابعين وبشده

لعدنان ولينا << فديتهم

:خخخ:

مشكوره خيتو وماننحرم من جديدك

تحيتي لك .. :قلب:

هههههههههههههههههاااااااااااااااااااااي

يسلمووووووو أختي على الموضوع

دمتِ بود

ههههههههههههه
هههههههههه
ههههههه
ههههه
ههه
هه
مررررررررره كوووول
والله تسلمين حبيبتي مجننتهمـ

هههههههههههههههههههههه

تسلميييييين أخت مجننتهم

نقبلي مروري

ههههههههههههههههه تصدقين ماودي انها انتهت انسجمت مع القصه مشكووووووووووره

افضل فلم كرتوني شاهدته

الف شكر

يسلمو الانامل اختى واللة روووووووووووووووووعة
هذا الحب ولابلاش ترى نتظر الحلقات الجاية

هههههههههههههههههــــــآ

خطييييرووون ومزحهم ليس ثقيلووون

يثلمو يثلموو

[مجننتهم]