السلام عليكم ورحمه الله وبركآتهـ.."

ظاهره غريبه اللي هي رموز للقبايل
بالبدايه شي انتشر وبشكل كبير ..نلقى سياره مكتوب عليها رمز !!
على جدار المدارس رموز بعد !!
عاشوا عيال (،،،) بداخل الاقواس رمز!!
........الخ..
{مجرد صوره تبين الوضع }

"
وهذي بعض رموز القبائــل.."
قحطان " 505
الهواجر" 202
مطران" 305
عتيبة " 511
العجمان " 711
سبيع "911
شمر " 555 وناس تقول 509"
الحروب" 111
الدواسر " 502
تميم " 506 وناس تقول 811"
عنزه" 501
أهل الجنوب " 07
الرشايدة " 285
"

معاني بعض الرموز حسب اقوال بعض هالفئه ..

تميم (506)

ومعناه ناس يقولون مجموع انتصارات عوائل بني تميم
وناس يقولون انه جيب التايوتا القديم كانت مكينتة مكتوب عليها 506
وناس يقولون ان ابناء تميم 6 و ارقام باقي القبائل تبدأ بـ50

عتيبة (511)

يعزوه البعض إلى مكينة الجمس (511) التي يذكرون بأنه أقوى مكائن السيارات، في حين يرجعها آخر إلى وسم الأبل الخاص بالقبيلة فيذكر أن (511) يعني حلقة ومطرقتين حلقة التي هي "5" والمطرقتين "11"

قحطان (505)

يعنى "أص ولا همسه"، حيث ينطق "خمس ميه وخمسه اص ولا همسه"، ويعني لا كلمة للآخرين في وجود قحطان، في حين يعزو آخرون هذه الرموز إلى احداثيات اللاسلكي ومحطاته المختلفة، فلكل قبيلة قناة خاصة بها، وتلك الأرقام هي ترددات تلك القنوات
"
اعتقد انه هالشي تغذيه للتعصب القبلي والتعصب للاصل والنسب ..
صحيح انه يحق لكـ شخص يستشرف بقبيلته ونسبه
لكن من دون تعصب و تقليل من قدر الاخرين
"
فالرسول الكريم عليه افضل الصلاة واتم التسليم يقول:
{ انا خير ولد ابن آدم ولا فخر }
وهذي بعض مقطفات لآراء بعض الشباب بهالموضوع لقيتها بجريده الرياض ...

ويقول: "أخوي هذا شعارات تفيد لأن فيه ناسا ينشب بينهم خلاف ولا سمح الله أحد يقتل الثاني وهم ما يدرون انهم من نفس القبيلة وهذا شيء غير مرغوب فيه وشكراً".

في حين يقول آخر: "والله يا خلان الأشده قمة القهر انك تشوف رجال ينضرب قدامك، وبعدما ينفرش على القاع تدري انه (ذكر اسم القبيلة) وياكثرها صارت لنا والحين الحمدلله من بعد هالشعارات عرفنا (ذكر اسم القبيلة) وصار (.......) لا تهاد ما يروح حقه".

فيقول أحدهم: "صحيح الفكرة للشباب الصغار وكانت تبدو بدون هدف أو معنى.. لكن مع مرور الزمن واشتهار هذه الأرقام أصبحت كما يبدو لي للسيارات مثل الوسم للإبل.. حيث يتعرف هؤلاء الشباب على ركاب السيارة التي تحمل هذا الرقم ويساعدون بعضهم عند حدوث بعض المشاكل فيما بين بعض الشباب من هذه القبيلة أو تلك حتى بدون سابق معرفة فيما بينهم وقد حصل مثل هذا الموقف أمامي بالصدفة".

انا قريت آرائهم وما إستنتجت الا التعصب لأبناء القبيله !!
يعني موباقي الا يكتبونه بالبطاقات المدنيه وتكمل السالفه
" أسئلهـ النقاااااش.."
س1/بعرف عندكم فكره من وين بدت هالظاهره ..؟؟
س2/ومن وين اخترعوا هالرموز ؟؟ يعني ليش مايكون رمز قبيلتك رقم غير اللي حاطينه شالحكمه من تحديدهم هالرقم ؟؟
س3/توافقوني الرأي بانها نوع من التعصب القبلي ؟؟ ولا لأ..؟؟
"
تحيآآآآآآآآآآآآآتي.."

مشكوره اختي مغرزه بكعب على الموضوع الشيق


وانا اسمع في رموز القبائل ولاكن ما اعرف ايش الحكمه


واتوقع انها فقط هجولت شباب

وش فايدتها طيب!

يسلمووو

بعيد الهقآوي.."
مو شرطـ تكوون هجولهـ شبآآب .
البعض يآخذها جد..
"
مشكووور ع المرووور
لاهنت.

جاك عبدالله من اولها قلوب و07

س1/بعرف عندكم فكره من وين بدت هالظاهره ..؟؟

لا والله مدري من وين بدت ومتى بتنتهي بس فيه اشياء تزيدها مثل برنامج شاعر المليون احس انهم ماحطوه الا عشان فلان يقول يالله ياقبيلتي صوتو لي وكأننا عايشين بالعصر الجاهلي

س2/ومن وين اخترعوا هالرموز ؟؟ يعني ليش مايكون رمز قبيلتك رقم غير اللي حاطينه شالحكمه من تحديدهم هالرقم ؟؟

تصدقين توني ادري عن الرموز اللي قلتيها ماعدا 07 عرفته يوم سجلت هنا من عبدالله


س3/توافقوني الرأي بانها نوع من التعصب القبلي ؟؟ ولا لأ..؟؟
"
اوافق وبقوه

وراح اعطيك مثال واقعي واعيشه كل يوم وقرفت منه

وحده اعرفها حربيه والثانيه عنزيه والثالثه شمريه الحريبه تقول مافيه احسن من حرب والعنزيه تقول العنوز كنوز والشمريه تهاوش العنزيه انتم جيتو حايل واخذتوها منا << بالله وش فايدة هالكلام لو فيه موضوع عن القبايل اوكي نمشي الموضوع بس كذا من الباب للطاقه تتكلم مدري وش اقول غير تخلف

عوافي خيتوو

عسوولهـ.."
ياهلا بكـ
فآيدتهآ عند البعض الفخر بـ القبيلهـ ولا التعصب ..
يثلموووو على هالمروور
لاعدمنآكـِ.

مذمذ.."
انتي
كلآآآآآآآآآآم صوووووووووح..
يسعدكـِ ربي على هالمرووور
لاعدمنآكـِ.

وأنا رأيي من رأي مذمذ
يعطيك ألف عآآفيه مغرزووه
لاعدمتك