السلام عليكم


يالله انك تحييهم يالله

باختصار هذي قصيده فرعون الشعر ناصر بن محمد بن فارس الفراعنه
وهي من اجمل القصايد له

على هذا الرابط

[لا يسمح للزوار بمشاهدة الروابط. لتشاهد الرابط أو الصوره ضع رداَ لائقاً ثم حدث الصفحة ]

وهي بعنوان ناقتي ياناقتي
وسلامتكم

وعليكم السلااام

قصيده رائعه


شكله هوو بياخذ البيرق


تسلم سوير على النقل الحلوو

دمت بوود

والله الصراحه سهورهـ ماودي ياخذها الا هو

منوره الموضوع

تحياتي

علي الحرام انه شاعر ولد شاعر
سوير تعرف انه من افضل الشعراء عندي
وهذي ثلاثة ابيات للتعرف عن مدى روعة القصيده
العروسه ماتبي غير ابو تركي عريس .................... العروسه نجد ماهيب حيالله عروس

هذا البيت منفصل عن البيتين في الاسفل

وعيشتي مابين اسود ولو ماني رئيس ................. خير من رئيس على شلقة تيوس
وليس عيب ان غدعني بمكره كل هيس ................لان مايفهم بمكر الهيوس الا الهيوس
يعطيك العافيه ياسوير

فالك البيرق ياناصر
والله انه كفوو
وقصيدته هاذي رائعة بمعنى الكلمة
مشكور اخوي سوير ..

الساطي & كاكا

الله يحيكم

مشكورين على المرور

تحياتي

هلا بك اخوي سوير

قصيدة في قمة الروعه
صح لساانه
يستاهل والله

اشكرك على اختيارك الراقي

لا تحرمنا جديدك

تحيتي لك

ياهلا فيك ساره

مشكوره على مرورك الرائع


تحياتي

والله انهـ شاعر ذيب كفو

هذي القصيده تدل على الثقافه العاليه التي يتمتع بها الشاعر


ابدع بكل شي كان تميزهـ لان له لون خاص لايجيدهـ الا هو

اخوي سوير

يعطيك الف عافيه على الموضوع

في انتظار جديدك

ارق التحايا واعذبها

أنشهـد إنـه شــاعر

ســلمت يمنــاك ياسـوير عالقصــيدة واسمـح لي

أرفـق نـص القصــيده في ردي هـذا

مع مـلف صــوتي مـرفق للقصـيده

ناقتـي ياناقـتـي لاربــاع ولاسـديـس
وصليني لابتي مـن وراء هـاك الطعـوس
حائلاً رابع سنه من خيـار العيـس عيـس
خفهـا لادرهمـت كنـه بالنـار محسـوس
في دجى خالي خـلا لاحسيـس ولانسيـس
تنوخذ من شدة البـرد طقطقـة الظـروس
في عيوني يكفخ الطيـر ويطيـح الفريـس
وانتهض جساس من دون خالته البسـوس
وفي خفوقي فرخ جنيتاً يضـرس ضريـس
يوم اوردها هجـوس واصدرهـا هجـوس
ديرتي دار ابن ضاري وابن غثلـم جريـس
ديرة اللي دوجوا في فيافـي نجـد جـوس
ديرتـي يابنـت شيخـاً ومعدنهـا نفيـس
عيطموسـاً دونهـا دثرتنـي عيطـمـوس
جادلاً مطرق جسدها مـع الغربـي يميـس
طينتاً من تربـة الخلـد والـدم محمـوس
نقشت خمساً من الخمس في يوم الخميـس
ليت شعـري مـا ارادت بهـذا دختنـوس
كـم تمنـا إن معـه مثلهـا فتنـه بليـس
كان يمكن قد قلب نصـف إمتنـا مجـوس
كن دماث الصدر منهـا كنيسـه او كنيـس
صومعة رهبـان ديـراً يـؤدون الطقـوس
آتقـوس مـع تقـوس نواهدهـا وإقيـس
قبتين قاب قوسيـن قوسـاً جنـب قـوس
خصرها يحكي لنـا واقـع القـوم التعيـس
وردفها عن غطرسة بـوش يعطينـا دروس
وبالرغم من قصرهـا مايجالسهـا جليـس
تصبح أطول نسوة الارض في وضع الجلوس
العروسه ماتبي غير ابـو تركـي عريـس
العروسه نجـد ماهيـب حـي الله عـروس
نجد بنت المجـد ونسـة مونسـة الونيـس
ماعسفها الا معزي ضحى اليـوم العبـوس
كل اهل نجد هلي من إجاء حتـى الخميـس
في ذراهم بالتجي عـن مجففـة الرسـوس
وعيشتي مابين أسوداً ولـو مانـي رئيـس
(خير من كوني رئيساً على شلقـة تيـوس)
وليس عيباً إن خدعني بمكـره كـل هيـس
لان مايفهـم بمكـر الهيـوس الا الهيـوس
مصطفى في مأدبـة عمـه البابـا لويـس
كبر اللقمه تحـت ضـؤ حمـراء الكـؤوس
وطسم حدتها على حائـط المبكـى جديـس
يوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس
دونها سمر الحناجـر بترهـا حـد مـوس
قسقسـة لاحرارهم.قيس.قيس.قيس.قيـس
والبستهم مـن مهانتهـم انـواع اللبـوس
بين خدعة كعـب اخيـلاً ومولـد ادونيـس
درسونـا الالهـه والمـدرس هـنـا روس
ويش لاقوا من قناة السويس اهل السويـس
وويش لاقوا من تلمسان قوماً من سنـوس
كلهم من شـدة الجـوع راحـوا خندريـس
بين غيبوبة مخدر وصحوة عـرق سـوس
ثـورة راحـوا سببهـا بتـوع الاتوبيـس
وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس
والنفوس اليا بغيت اتعرفهـا ارم الفلـوس
ينكشف زيف الشعارات الى حمي الوطيـس
ترجع الاذناب إذناب وتبقـى الـروس روس
صدق لاقال العرب مايحوص الا الخسيـس
ولايوط الروس شئياً مثل ضعـف النفـوس

صــح لســانه مـلايين واللـه إنـه شـاعر ويسـتاهل البـيرق

القصــيدة بصـوت الشـاعر بالمـرفقات

مشكــور ســوير ولاعـدمناك حبيبـي ..

تحيتي لكـ ,,